આપે મારા બ્લોગની મુલાકાત લઈ કૉમેન્ટ લખી એ બદલ હાર્દીક આભાર.

ના, અહીં સીતાફળ જોવા મળતાં નથી, પણ અમેરીકાથી રામફળ કોઈ વાર આવે છે, જે સીતાફળ સાથે ઘણું સામ્ય ધરાવે છે.

હા, ભારતમાં મારા ઘરે સીતાફળી હતી. ઝાડ પર જ પાકેલાં સીતાફળ પણ મેં ખાધાં છે, જેનાં મીઠાશ અને સ્વાદ બહુ જ સરસ હોય છે.

-ગાંડાભાઈનાં સ્નેહવંદન

નમસ્તે.

આપની કૉમેન્ટ બદલ હાર્દીક આભાર.

હું લગભગ પાંત્રીસ વર્ષથી અહીં વેલીંગ્ટન, ન્યુઝીલેન્ડમાં છું. વર્ષો પહેલાં બધી વીધીઓ માટે અહીં કોઈ બ્રાહ્મણ કે પંડીતની સેવા ઉપલબ્ધ ન હતી, ત્યારે મારા સાળા સ્વ. નરસિંહભાઈએ હવન, લગ્ન, ફ્યુનરલ વગેરે વીધીઓ લગભગ ત્રીસેક વર્ષો સુધી કરી હતી. (ભારતીય સમાજની સેવા બદલ એમને ઈન્ગ્લેન્ડની રાણી તરફથી QSM એવોર્ડ આપવામાં આવ્યો હતો.) તેઓ નીવૃત્ત થયા ત્યારે વેલીંગ્ટન ઈન્ડીયન એસોસીયેશન દ્વારા આ વીધી કરવાનું મને સોંપવામાં આવ્યું હતું. વીસેક વર્ષ બાદ હું પણ નીવૃત્ત થયો છું અને હવે અહીં બ્રાહ્મણ છે.

હું અહીં ગણીત-શીક્ષક તરીકે આવ્યો હતો. સંસ્કૃતનો કોઈ અભ્યાસ મેં કર્યો નથી. માત્ર માધ્યમીક શાળામાં ૮થી ૧૦ ધોરણ સુધી ૧૯૫૨-૫૩થી ૧૯૫૫-૫૬માં સંસ્કૃત એક વીષય તરીકે હતો.

આપની માહીતી જાણી આનંદ થયો. આપની રચના સહર્ષ સ્વીકારીશ. આભાર.

-ગાંડાભાઈનાં સસ્નેહ વંદન.