આઝાદીની લડતનાં સંસ્મરણો – ગોસાંઈભાઈ છીબાભાઈ પટેલ – બે શબ્દો

G C Patel
આઝાદીની લડતનાં સંસ્મરણો
લેખક: ગોસાંઈભાઈ છીબાભાઈ પટેલ
સ્વાતંત્ર્ય સેનાની
મટવાડ
છઠ્ઠી આવૃત્તી : ૨૦૧૨
અર્પણ : આઝાદીની લડતમાં પોતાના પ્રાણોનું બલીદાન આપનાર શહીદોને
યુનીકોડમાં અક્ષરાંકન: ગાંડાભાઈ વલ્લભ
સર્વ હક લેખક શ્રી. ગોસાંઈભાઈ છીબાભાઈ પટેલને હસ્તક

મુ. શ્રી ગોસાંઈભાઈની ન્યુઝીલેન્ડની મુલાકાત વેળા જ્યારે તેઓ વેલીંગ્ટન આવ્યા હતા ત્યારે એમની ઉપરોક્ત પુસ્તીકાની એક નકલ મને એમણે તા. ૭ જાન્યુઆરી ૨૦૧૩ના રોજ ભેટ આપી હતી. (આ પહેલાં પણ ૧૯૮૭માં હું દેશ ગયેલો ત્યારે મુ. ગોસાંઈભાઈએ ‘૧૦૦ વર્ષ નીરોગી રહો’- લેખક માણેકલાલ એમ. પટેલ- નામનું ઉપયોગી પુસ્તક પણ મને ભેટ આપ્યું હતું. એમાં પણ એમણે એમના સુંદર હસ્તાક્ષરોમાં લખ્યું છે, ‘ભાઈશ્રી ગાંડાભાઈને સપ્રેમ ભેટ, ગો.છી., તા. ૮-૬-૮૭. હું ન્યુઝીલેન્ડ પરત થનાર હતો તે પ્રસંગે તેઓ મને મારા ઘરે મળવા આવ્યા હતા.)

જુઓ એમના હસ્તાક્ષરમાં આ પુસ્તીકા મને ભેટ આપ્યાની નોંધ-

G C Patel 2
એ સમયે એમની આ પુસ્તીકા મારા બ્લોગ પર એક જ ઈ-ઉવાળી સાદી જોડણીમાં મુકવાની પરવાનગી મેં માગી હતી, જે એમણે સહર્ષ સ્વીકારેલી. એ બદલ એમનો હું આ પ્રસંગે હાર્દીક આભાર માનું છું. આ પહેલાં પણ મુ. ગોસાંઈભાઈ ન્યુઝીલેન્ડ આવ્યા હતા, જેની વીગતો આ પુસ્તીકામાં એમના પરીચયના પ્રકરણ ૧૩માં જોવા મળશે.

એમની બહાદુરીનો સોડીયાવડવાળો ૧૯૪૨માં બનેલો પ્રસંગ મેં મારા બાળપણમાં સાંભળેલો, જેનાથી હું બહુ પ્રભાવીત થયેલો. એ પ્રસંગ ફરીથી તેઓ જ્યારે આ પહેલાં વેલીંગ્ટન આવેલા ત્યારે એમનાં સ્વમુખે મને એમણે મારી વીનંતીને માન આપીને સંભળાવેલો.

૧૯૪૨ વખતે અમારા ગામ બોદાલીમાં પણ પોલીસોએ જુલમ ગુજારેલો. તે સમયે મારી માત્ર ચાર વર્ષની ઉંમર હતી છતાં અમારા ગામમાં પોલીસ આવેલી તે પ્રસંગ મને આજે પણ યાદ છે. એક પોલીસ કોઈકના મરઘાંને પકડવા માટે દોડ્યો હતો તે હજુ મારી નજર સમક્ષ છે.

આઝાદીની લડતની વાતો સાંભળવામાં મને ઘણી દીલચસ્પી છે. મારી બાલ્યાવસ્થામાં દેશને આઝાદી અપાવવા માટે  લોકોમાં જે ઉત્સાહ હતો તેનું પણ મને બહુ સ્પષ્ટ સ્મરણ છે. દર વર્ષે ગાંધીજયંતી વખતે ગાંધીજીનાં જેટલાં વર્ષો થયાં હોય તેટલા કલાકનું અખંડ કાંતણ રાખવામાં આવતું, તેમાં પણ ભાગ લેતો એવું સ્મરણ છે. ઑગષ્ટ ૧૯૪૭માં દેશ આઝાદ થયો ત્યારે હું ૯ વર્ષનો હતો.

આશા રાખું કે આઝાદીની લડતની આ વાતો જાણવામાં લોકોને રસ પડશે.

Advertisements

ટૅગ્સ:

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s


%d bloggers like this: