મધ

મધ

બ્લોગ પર તા. 15-6-2017

બી. જે. મીસ્ત્રીના ઈમેલમાંથી

માનવી તેના જીવનમાં જે કંઈ કરે છે તે ટેવ પ્રમાણે કરે છે. ખાવાનું ટેવ પ્રમાણે લે છે. પરંતુ પોષણની બાબતમાં માણસ ખાવાની ચીજમાં વીવેક રાખતો નથી. માનવી કરતાં મધમાખી વધુ બુદ્ધીશાળી છે. વીવક રાખે છે. મધમાખી ફુલમાંથી રસ ચુસે છે ત્યારે તે દરેક ફુલની કસોટી કરે છે. એ કસોટીમાંથી ફુલ પાર ઉતરે ત્યારે જ એ ફુલનો રસ મધમાખી ચુસે છે. તેથી યુરોપમાં કહેવત છે કે કોઈ માનવ પર ભરોસો ન રાખો પણ મધમાખી ઉપર તો પુરો વીશ્વાસ રાખવો!

ડો. જાર્વીસ લખે છે કે મધમાં પોટેશીયમ છે એટલે તેમાં રોગકારી જંતુ પેદા થતા નથી. અમેરીકાની વીસ્કોન્સીન યુનીવર્સીટીના કેમીસ્ટ્રી વીભાગના પ્રોફેસર એચ. એ. સ્યુટ કહે છે કે મધમાં ઉત્તમોત્તમ ખનીજો છે. આપણા લોહીમાં હીમોગ્લોબીન નામનું તત્ત્વ છે તે પણ મધમાંથી મળે છે. હીમોગ્લોબીન શરીરના તમામ અવયવોને પ્રાણવાયુ પુરો પાડે છે.

જો આપણા લોહીમાં લોહ તત્વની ઉણપ હોય તો હીમોગ્લોબીન પુરતા પ્રમાણમાં બની શકતું નથી, જે મધમાંથી આપણને મળી શકે છે. આપણે જે ખાંડ આહારમાં લઈએ છીએ તે ખાંડને કીડની મુશ્કેલીથી મુત્ર વાટે બહાર કાઢે છે પણ મધના અવશેષને કીડની સહેલાઈથી બહાર કાઢી શકે છે, અર્થાત ખાંડને બદલે મધને આહાર તરીકે લેવાથી કીડની પર ભાર આવતો નથી. મધથી શરીરના અવયવો શાંત થાય છે.

કોઈ બાળક રાત્રે પથારીમાં પેશાબ કરી જતું હોય તેને તલ ખવરાવવા અને તલ ખાઈ લે પછી મધ ચટાડવું! આને કારણે એક તો બાળકને ઉંઘ આવી જશે અને બીજું રાત દરમીયાન પેટમાં ગયેલું મધ પેટની અંદરના પ્રવાહીને પકડી રાખશે. તેથી બાળક પથારીમાં પેશાબ નહીં કરે!

કેનેડાની સ્પોર્ટ્સ કોલેજોમાં ખેલાડીઓને સવારે બ્રેડ અને દુધ સાથે મધ ખવરાવાય છે. બ્રાઝીલ અને કોલંબીયાના જંગલોમાં લાંબુ દોડનારાઓ વૃક્ષ ઉપરથી મધપુડા પાડીને તેના ઉપરથી માખીઓને ઉડાડીને મધપુડાને સીધા જ ચુસતાં ચુસતાં દોડે છે! શક્તી જાળવી રાખવા ઘણા આરબો ઉંટડીના દુધમાં મધ ભેળવીને હજી પણ પીએ છે! બીસ્કીટ અને ચોકલેટમાં નુકસાન કરનારી ખાંડને કારણે શરીરનું ઘણું કેલ્સીયમ વપરાઈ જાય છે અને ખાંડથી એસીડીટી વધે છે તેમ જ પાચન નબળું પડે છે. કોકાકોલા, પેપ્સી અને થમ્સઅપ કે બીજાં મીઠાં પીણામાં છ મોટા ચમચા જેટલી કે તેથી પણ વધુ ખાંડ હોય છે. વધુ પડતી ખાંડ પેટમાં જવાથી બાળકો વધુ તોફાની, વધુ ચીડીયાં અને હીંસક (મારકણા) બની જાય છે.

ખાંડવાળા પદાર્થ વધુ ખાવાથી જલદી મોતીયો આવે છે. હું જરુર પુરતી એક સમય જ ચામાં ઓછી ખાંડ લઉં છું બાકી આહારમાં ખાંડ લેતો નથી એટલે મને 86 વર્ષની ઉંમરે મોતીયો આવ્યો નથી. પ્લીઝ, બાળકોને કોલાનાં પીણાં હરગીઝ નહીં આપો. 45ની ઉંમર પછી તો દરેક જણે ખાંડના વીકલ્પમાં મધ વાપરવું જોઈએ. ડૉ. ગેય હીમર હોર્સલે કહે છે કે: ‘મધ તો પ્રેમીઓના લગ્ન જેવું મધુર છે. જેમ વર્ષો વીતે તેમ બન્ને વચ્ચેનો જુનો પ્રેમ મધુર બને છે.’ અર્થાત મધ જેટલુ જુનું તેટલુ સારું.

મધને પચતાં અડધો કલાક માંડ લાગે છે. મધને પચાવવામાં કોઈ પાચક રસની જરુર પડતી નથી કારણ કે મધ પોતાના પાચક રસો સાથે લઈને જ પેદા થાય છે. આંતરડાનાં હાનીકારક જંતુઓને મારનારું ફોલીક એસીડ મધમાં હોય છે.

હું તમામ વાચકોને આગ્રહ કરું છું કે સવારે ચા કે કોફી પીતાં પહેલાં પ્રથમ સવારના પીણા તરીકે લીંબુ, મધ, તુલસી અને આદુનો ઉકાળો પીવો. (એ ઉકાળો હુંફાળો થાય પછી જ એમાં મધ ઉમેરવું, કેમ કે મધ ગરમી સહન કરી શકતું નથી. -ગાંડાભાઈ) ખાંડની જગ્યાએ આ ઉકાળામાં મધ નાખવું.

1931માં લંડનમાં મારક ફ્લુ આવેલો ત્યારે એલોપથીના ડોક્ટરે લોકોને ફલુથી બચવા આદુ અને તુલસીના ઉકાળા સાથે મધ ખાવાનો પ્રચાર કરેલો. તે સમયે ઈગ્લેંડમાં મધ અને લીંબુની એટલી બધી ખેંચ પડેલી કે લીંબુ અને મધ આયાત કરવા પડેલાં!

મધમાખીનો એક સ્વભાવ આપણે અનુસરવા જેવો છે. મધમાખીઓ હંમેશાં સમુહ-ભાવનાથી અને સહકારથી કામ કરે છે અને મધપુડો તે મધમાખીની સહકારી ભાવનાનું પ્રતીક છે.

Advertisements

ટૅગ્સ:

2 Responses to “મધ”

  1. Purvi Says:

    Ganda Bhai Agave Nectar vishe janavava vinanti.

  2. ગાંડાભાઈ વલ્લભ Says:

    નમસ્તે પૂર્વીબહેન,
    Agave નો અર્થ ભગવદ્ગોમંડળમાં નીચે મુજબ આપવામાં આવ્યો છે, તથા એના ગુણ જણાવ્યા છે.
    Agave એટલે રામબાણ, ઉત્તર અને દક્ષીણ અમેરીકાના ગરમ સુકા પ્રદેશમાં ઉગતો તીક્ષ્ણ પાંદડાં અને ઉંચાં ફુલવાળો એક જાતનો છોડ. જળાશયમાં ગોઠણ સુધી પાણીમાં તે થાય છે. પાંદડાં બાજરાનાં પાંદડાંને મળતાં આવે છે. તેને ડુંડું આવે છે. તેને પાનબાજરીયું કહે છે. પાનબાજરીયા ઉપર રુ હોય છે. પાનબાજરીયાની રાખ તેલમાં કાલવી ચોપડવાથી જખમ જલદી ભરાઈ જાય છે. તેનું રુ ભગંદરના કાણામાં ભરવાથી ફાયદો થતો ગણાય છે.
    Agave Nectar પણ એની સાથે આ Nectar શબ્દ છે એ બાબતમાં મને કશી ખબર નથી.
    જો આ છોડ તમારા જોવામાં આવ્યો હોય તો અહીં આપેલું વર્ણન જેવો એ છોડ છે કે કેમ તે જણાવવા વીનંતી.
    નોંધ: પૂર્વીબહેન, હું માત્ર એક જ ઈ-ઉવાળી સાદી જોડણી વાપરું છું, જેને ઉંઝા જોડણી પણ કહે છે.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s


%d bloggers like this: