Archive for સપ્ટેમ્બર 4th, 2017

આરોગ્ય ટુચકા 54. મેથી

સપ્ટેમ્બર 4, 2017

ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર કરવા. આ માહીતી માત્ર શૈક્ષણીક હેતુસર આપવામાં આવે છે.
આરોગ્ય ટુચકા 54. મેથી: વાયુ, પીત્ત, અપચો, મોળ, ઉબકા, આફરો, ખાટા અને કડવા ઓડકાર, ઉદરશુળ, પાતળા દસ્ત, જ્વર, ઉલટી, કબજીયાત, મસા, કૃમી, વાતજન્ય હૃદયરોગ વગેરેમાં મેથી ઉપયોગી છે. મેથીના દાણા વાયુનાશક, સોજો ઉતારનાર, ગર્ભાશયનું સંકોચન કરનાર અને શ્વેતપ્રદરનાશક છે. મેથીની ભાજી પીત્તનાશક, પાચક, શીતળ અને અપાનવાયુનું અનુલોમન કરે છે. કાચી મેથીનું ચુર્ણ આમાશય, લીવર, રુધીરાભીસરણ તંત્ર અને જ્ઞાનતંત્ર પર ઉત્તેજક અસર કરે છે. મેથીની ફાકીથી મોળ, ઉબકા, ઉલટી વગેરે મટે છે, તથા વાયુની સમ્યક પ્રવૃત્તી થાય છે. આમવાત (રુમેટીઝમ)ની તીવ્રાવસ્થા દુર કરવા મેથી અને સુંઠનું સમભાગે અડધી ચમચી જેટલું ચુર્ણ ગોળ સાથે સવારે અને રાત્રે લેવું.

Advertisements