Archive for ઓક્ટોબર 5th, 2017

આરોગ્ય ટુચકા 79. કોથમીર

ઓક્ટોબર 5, 2017

ચેતવણી: ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર કરવા. આ માહીતી માત્ર શૈક્ષણીક હેતુસર આપવામાં આવે છે.
આરોગ્ય ટુચકા 79. કોથમીર: કીડનીની સફાઈ માત્ર થોડી કાળજીથી એકદમ કિફાયત ભાવે !!!
વર્ષો સુધી આપણી કીડની લોહીને શુદ્ધ કરીને તેમાંથી ક્ષાર રૂપે આપણા શરીરમાંથી અશુદ્ધીનું ઝેર કાઢતી રહેતી હોય છે. આપણા દેશી ઉપચાર દ્વારા કોથમીરનો ઉપયોગ કરીને નીર્દોષ અને સાદગી ભરેલી રીતે પણ કીડનીની માવજત કરી શકાય જેની રીત અજમાવવા જેવી છે.
૧. પ્રથમ લીલી કોથમીરની ઝુડી લઇ બરાબર પાણીથી સાફ કરીને પાંદડાંને ડાળખાંથી તોડીને જુદાં કરો અને એક નાના વાસણમાં પાણીમાં રાખો.
૨. હવે પાંદડાંના એકદમ નાના ટુકડા કરીને એક તપેલીમાં પીવાના પાણીમાં દશ મીનીટ સુધી ઉકાળો, પછી ઝીણી જાળીવાળી ગળણી કે સારા સફેદ સુતરાઉ કપડામાંથી આ કોથમીરના ઉકાળાને ગાળીને ઠંડો પડવા દો. જયારે તે ઠંડો થઇ જાય ત્યારે ફરીવાર એને સારા સફેદ સુતરાઉ કપડામાંથી ગાળો અને સ્વચ્છ કરેલી બાટલીમાં ભરીને રેફ્રીજરેટરમાં રાખો.
૩. આ પાણી દરરોજ સવારે પીઓ. તમે જયારે પેશાબ ઉતારો ત્યારે અચૂક નજર કરશો કે તમારા શરીરમાંથી મુત્ર વાટે કેટલો કચરો અને અશુદ્ધી બહાર નીકળે છે, પેશાબના રંગ પરથી તરત જ માલમ પડી જશે અને થોડા દિવસોમાં તમારા આરોગ્યમાં પણ તાજગીનો અનુભવ થવા લાગશે.
કોથમીરનો આ દેશી ઉપચાર તદ્દન નીર્દોષ અને બીનહાનીકારક છે. શ્રધ્ધા અને વીશ્વાસ પુર્વક અજમાવી જુઓ, તમારા અનુભવ પછી જો કાંઈ ફેર લાગે તો તમારા મીત્રો અને સંબધીઓને પણ સુચવજો.

Advertisements