Archive for the ‘માહીતી’ Category

બ્લોગ બનાવવાના માર્ગદર્શન અંગે

નવેમ્બર 14, 2019

બ્લોગ બનાવવાના માર્ગદર્શન બાબત ગઈ કાલે મેં પોસ્ટ મુકી હતી, એની લીન્ક કામ કરતી નથી એવી કૉમેન્ટ મળી છે. જો કોઈને એ લીન્ક ખોલવાનો પ્રોબ્લેમ હોય અને એ પુસ્તીકાની જરુર હોય તો મારા બ્લોગની પોસ્ટમાં પોતાના ઈમેલ સહીત કૉમેન્ટ મુકશો તો એની PDF કોપી મોકલી આપીશ.

બ્લોગ બનાવવાનું માર્ગદર્શન

નવેમ્બર 13, 2019

આજે મને એક પ્રશ્ન ઉપરના વીષય અંગે પુછવામાં આવ્યો છે. એનો ઉત્તર મને ચૌહાણ ભરતકુમાર એલ દ્વારા મળેલો. એમણે આ વીષયની નાની પુસ્તીકા તૈયાર કરી છે, જેના માર્ગદર્શકો છે:
1. નૂતનબેન રાવલ, પ્રાચાર્ય અને 2. હર્ષાબેન જોષી, વ્યાખ્યાતા ઈ.ટી. બ્રાન્ચ શ્રી મહાલક્ષ્મી જિલ્લા શિક્ષણ અને તાલીમ ભવન, અમદાવાદ. એમના સૌજન્ય થકી એ માહીતી અહીં મુકું છું. એના સર્વ કોપીરાઈટ હક ચૌહાણ ભરતકુમાર એલ. ધરાવે છે. એ માહીતી માટે આ લીન્ક પર ક્લીક કરો. Blog How to Make One
Blog How to Make One

390. પછીથી

સપ્ટેમ્બર 13, 2019

390. પછીથી
(પીયુષભાઈના અંગ્રેજી ઈમેલમાંથી)
ચાલો આપણે “પછીથી”ને અલવીદા કહેવાનો પ્રયાસ કરીએ…
હું એ પછીથી કરીશ
હું એ પછીથી કહીશ
હું એના પર પછીથી વીચારીશ

આપણે બધું જ ‘અત્યારે નહીં’ પણ ‘પછીથી’પર મુલતવી રાખીએ છીએ, જાણે “પછીથી” આપણા હાથમાં હોય!

પણ આપણે જે નથી સમજી શકતા તે:
પછીથી, કોફી ઠંડી થઈ જાય છે…
પછીથી, પ્રાથમીકતા બદલાઈ જાય છે…
પછીથી, આકર્ષકતા વીલાઈ જાય છે…
પછીથી, સ્વાસ્થ્ય જતું રહે છે…
પછીથી, બાળકો મોટાં થાય છે..
પછીથી, માબાપ વૃદ્ધ થાય છે…
પછીથી, વચનો ભુલાઈ જાય છે…
પછીથી, દીવસ રાત્રી બને છે… અને
પછીથી, જીવન સમાપ્ત.
અને આ બધાં ‘પછીથી’ આપણને ઘણુંખરું ખબર પડે છે કે બહુ મોડું થઈ ગયું.
આથી ‘મોડેથી’ પર કશું છોડો નહીં.
કેમકે હંમેશાં મોડે સુધી રાહ જોવામાં આપણે
ઉત્તમ ક્ષણો ગુમાવી શકીએ.
ઉત્તમ અનુભવો ગુમાવી શકીએ.
ઉત્તમ મીત્રો ગુમાવી શકીએ.
ઉત્તમ પરીવાર ગુમાવી શકીએ.

આથી, દીવસ તો આજનો જ, ક્ષણ તો અત્યારની જ…

આરોગ્ય ટુચકા 301 પ્રેરણાદાયક

ફેબ્રુવારી 20, 2019

આરોગ્ય ટુચકા 301  પ્રેરણાદાયક: એક અંગ્રેજી ઈમેલમાંથી

  • વારંવાર હસો અને પુશ્કળ પ્રમાણમાં હસો.
  • બુદ્ધીશાળી લોકોમાં આદરપાત્ર બનો અને બાળકોના પ્રેમપાત્ર બનો.
  • પ્રામાણીક ટીકાકારોની કદરને યોગ્ય બનો.
  • બનાવટી મીત્રોની દગાખોરી સહી લો.
  • સૌંદર્યના કદરદાન બનો.
  • અન્યોના સદ્ગુણો નીહાળો.
  • દુનીયાને બહેતર છોડીને વીદાય લો – સ્વસ્થ સંતાન દ્વારા, સુંદર બગીચો બનાવીને અથવા સમાજનું ઋણ ચુકવીને.
  • અને હા, આ બાબતો તમારા આરોગ્યને પણ મદદકર્તા બની રહેશે. (ગાંડાભાઈ)

-Ralph Waldo Emerson

આરોગ્ય ટુચકા 300: આંખ વીશે જાણવા જેવું

ફેબ્રુવારી 15, 2019

આરોગ્ય ટુચકા 300: આંખ વીશે જાણવા જેવું

સામાન્ય રીતે માણસ એક મીનીટમાં 12 વખત આંખ પટપટાવે છે. એટલે કે આખા દીવસમાં આ પલકારા 10000 જેટલા થાય છે.

આંખમાં 20 લાખ કરતાં પણ વધુ કાર્યરત કોષો હોય છે.

મનુષ્ય આંખ 576 મેગા પીક્ષલ કેમેરા જેવી છે.

શરીરમાં આંખની એક માત્ર પેશીજાળ કોર્નીઆ એવી છે જેને લોહીની જરુર હોતી નથી.

આંખ 36000 બીટ્સની માહીતી એક કલાકમાં સંભાળે છે.

આપણી આંખના ડોળાનું વજન લગભગ 28 ગ્રામ જેટલું હોય છે.

આંખ ખુલ્લી રાખીને છીંક ખાવી અશક્ય છે.

ભારતમાં વીના મુલ્યે હોસ્પીટલ સારવાર

જાન્યુઆરી 3, 2019

ભારતમાં વીના મુલ્યે હોસ્પીટલ સારવાર

બહેન પ્રજ્ઞા વ્યાસ તરફથી મળેલ એક ઈમેલમાં આ સમાચાર સહુને જણાવવાનું કહેવામાં આવ્યું છે, એને અનુસરી આ માહીતી મારા બ્લોગ પર મુકું છું. આશા છે કે જરુરતમંદ લોકોને આપ આ માહીતી પહોંચાડશો.

વીના મુલ્યે હોસ્પીટલ સારવાર

આરોગ્ય ટુચકા 285  એસ્પીરીનના અન્ય 10 ઉપયોગો

નવેમ્બર 17, 2018

આ પ્રયોગો પોતાને અનુકુળ હોય તો જ કરવા. મેં પોતે અમલમાં મુકી આ માહીતીની ખાતરી કરી નથી તેની નોંધ લેવા વીનંતી.

આરોગ્ય ટુચકા 285  એસ્પીરીનના અન્ય 10 ઉપયોગો:

નોંધ: જેના પર કોઈ પણ પ્રકારનું પડ ચડાવવામાં આવ્યું ન હોય તે જ એસ્પીરીનનો નીચેની બાબતોમાં ઉપયોગ કરવાનો હોય છે.

  1. ચહેરા પરના ખીલ દુર કરવા: 3-4 એસ્પીરીનનું ચુર્ણ કરી લીંબુના રસમાં પેસ્ટ બનાવો. આ પેસ્ટ ચહેરા પર લગાવી પંદરેક મીનીટ સુધી રહેવા દઈ ચહેરો પાણીથી ધોઈને સ્વચ્છ કરો. ખીલ સારા ન થાય ત્યાં સુધી આ ઉપચાર કરતા રહો.
  2. વાળ દુરસ્ત કરવા માટે: 10 એસ્પીરીનને એક કપ હુંફાળા પાણીમાં ઓગાળો. આ મીશ્રણને ચોખ્ખા વાળમાં લગાવી પંદરેક મીનીટ રહેવા દો. આ પછી વાળ ધોઈ કાઢતાં એ ચમકદાર થઈ જશે.
  3. કપડાં પર પડેલા પરસેવાના ડાઘ દુર કરવા: કપડાં પરના પરસેવાના ડાઘા દુર કરવા બહુ મુશ્કેલ હોય છે. પણ એમાં એસ્પીરીન અકસીર છે. થોડી એસ્પીરીન હુંફાળા પાણીમાં ઓગાળો. એને પરસેવાના ડાઘા પર લગાવી આખી રાત રહેવા દઈ બીજે દીવસે ધોવાથી ડાઘા જતા રહેશે.
  4. ફુલોને વધુ સમય તાજાં રાખવા: ફ્લાવરવાઝના પાણીમાં થોડી એસ્પીરીન ઓગાળી દેવાથી ફુલ લાંબા સમય સુધી તાજાં રહે છે.
  5. મચ્છરના ડંખ પર: માખી-મચ્છર કરડ્યાં હોય અને ખંજવાળ આવતી હોય તો એકાદ મોટી ચમચી જેટલા પાણીમાં એસપીરીન ભીજવી ડંખ પર દસેક મીનીટ મુકી રાખવાથી ખંજવાળ, દુખાવો, સોજો બધું જ સારું થઈ જશે.
  6. ઉંદરી: ઉંદરીને લીધે માથાના વાળ ખરવાની સમસ્યામાં બે એસ્પીરીનનું ચુર્ણ વાળ ધોવાના શેમ્પુમાં મીક્સ કરીને વાળ ધોવાથી એ સમસ્યા દુર થશે.
  7. સાબુના ડાઘા: સીન્કમાં પડેલા સબુના ડાઘા દુર કરવા માટે થોડી એસ્પીરીનનું ચુર્ણ સીન્ક ધોવાના પ્રવાહીમાં મીક્સ કરીને ડાઘા પર લગાડી અર્ધો કલાક રહેવા દઈ પછી ધોવાથી સરળતાથી ડાઘા નીકળી જશે.
  8. પગની કણી-કપાસીની સમસ્યા: પગની કણી દુર કરવા જેના પર કોઈ પડ ચડાવેલું ન હોય તેવી 7 એસ્પીરીનનું ચુર્ણ કરી એક ચમચી લીંબુના રસમાં પેસ્ટ બનાવો. પગના તળીયા પર આ પેસ્ટ લગાવીને ગરમ કપડું લપેટી દો. એને દસેક મીનીટ સુધી રહેવા દઈ ધોઈ કાઢવાથી કપાસીની સમસ્યાથી છુટકારો મળશે.
  9. ચહેરાની સુંદરતા વધારવા: ત્રણ ચમચા દહીં અને એક ચમચો મધ લઈ તેમાં સાત એસ્પીરીનનું ચુર્ણ મીક્સ કરો. એને ચહેરા પર લગાવી 15 મીનીટ સુધી રહેવા દઈ ચહેરો ધોઈ નાખો.
  10. કારની બેટરી સજીવન કરવી: રસ્તામાં અચાનક કારની બેટરી ડેડ થઈ જાય તો બે એસ્પીરીન બેટરીમાં નાખતાં એમાંના સેલીસેલીક એસીડની સલ્ફ્યુરીક એસીડ સાથે પ્રતીક્રીયા થતાં બેટરી થોડો વખત ચાલી શકે તેટલી ચાર્જ થશે, જેથી તમે નજીકના સર્વીસ સ્ટેશન પહોંચી શકો.

આરોગ્ય ટુચકા 284 ઈન્દ્રીઓ

નવેમ્બર 9, 2018

આરોગ્ય ટુચકા 284   ઈન્દ્રીઓ: (ક્યાંકથી મળેલું) જે લોકો દૃષ્ટીનું વરદાન પામ્યાં છે એમને માટે એક સુચન : આવતી કાલે અંધાપો આવવાનો છે એમ માનીને તમારાં નેત્રોનો ઉપયોગ કરજો. અને, અન્ય ઇન્દ્રીયોની બાબતમાં પણ એવું જ કરજો : ગીતો સાંભળજો, પંખીગાન સુણજો, અનેક વાદ્યોના લહેરાતા સમુહ-સ્વરોને કાનમાં ભરી લેજો – એમ માનીને કે આવતીકાલે જ તમે શ્રવણેન્દ્રીય ગુમાવવાના છો. દરેક પદાર્થને એમ સમજીને સ્પર્શી લેજો કે તમે સ્પર્શનું સંવેદન ખોઈ બેસવાના છો. હરએક પુષ્પના પરીમલનું પાન એ રીતે કરી લેજો કે જાણે ગંધ તમારા નાસીકાદ્વારે ફરી આવી શકવાની નથી. પ્રીય સ્વાદ માણી લેજો – કદાચ સ્વાદેન્દ્રીય દગો દેવાની હોય. સર્વ ઇન્દ્રીયોને મહત્તમ માણજો, આનંદનો પ્રત્યેક આહ્‌લાદ ગ્રહી લેજો. પ્રકૃતીએ નીર્મેલાં સૌંદર્ય અને આનંદનાં સકલ નીમીત્તો સેવી લેજો, પણ સર્વ ઇન્દ્રીયોમાં ચક્ષુ એ સહુથી વધુ આનંદદાયક છે એવું માનજો.

આરોગ્ય ટુચકા 283. કીચન ટીપ્સ

ઓક્ટોબર 31, 2018

આપને અનુકુળ જણાય તો જ આ ટીપ્સ અજમાવવી. વીપરીત અસર જણાય તો એની જવાબદારી આ માહીતી આપનારની રહેશે નહીં તેની નોંધ લેવા વીનંતી.

આરોગ્ય ટુચકા 283.  કીચન ટીપ્સ: (મને મળેલ એક અંગ્રેજી ઈમેલ પરથી)

  1. સ્ટ્રોબેરીને ફ્રેશ રાખવા માટે એક વાસણમાં પાણી લઈ તેમાં થોડો એપલ સાઈડર વીનેગર નાખો. સ્ટ્રોબેરીના બોક્ષનું ઢાંકણ ખોલી આ પાણીમાં એને ઝબોળીને પછી ઢાંકીને ફ્રીજમાં રાખવાથી ઘણા વખત સુધી એ બગડશે નહીં.
  2. બ્રેડને બગડતી અટકાવવા માટે બ્રેડની બેગમાં સેલેરીનો મોટો ટુકડો મુકી રાખવો.
  3. દુધને બગડતું અટકાવવા માટે એની બોટલમાં સહેજ મીઠું (નમક) નાખી બોટલને બરાબર હલાવવી અને પછી ફ્રીજમાં રાખવી. (જો કે આયુર્વેદ મુજબ દુધ અને સીંધવ સીવાયનું મીઠું સાથે લઈ શકાય નહીં, એ વીરોધી આહાર ગણાય છે. આથી માત્ર સીંધવ મીઠું જ વાપરવું.)
  4. કેળાંને બગડતાં અટકાવવા માટે એની લુમના ડીચા પર પ્લાસ્ટીક વીંટાળી ડીચાને પુરેપુરું ઢાંકી દેવું.
  5. ભાજીનાં પાંદડાંને કીચન ટાઉલમાં વીંટાળી કન્ટેનરમાં ઢાંકીને ફ્રીજમાં રાખવાથી લાંબા સમય સુધી ફ્રેશ રહે છે.

જપાન

જુલાઇ 5, 2018

જપાન

(બ્લોગ પર તા. 5-7-2018 )

પિયુષભાઈના ઈમેલમાંના અંગ્રેજી વીડીઓ પરથી

અગણીત કારણોસર જપાન અદ્ભુત છે. પણ એની મહત્ત્વની બાબતને ત્રણ શબ્દોમાં મુકી શકાય: અન્યોનું ધ્યાન રાખવું. જપાનમાં લોકો બીજાઓનું ધ્યાન રાખીને વર્તે છે. એક સામાન્ય બાબત જોઈએ. એસ્કેલેટરનો ઉપયોગ કરતી વખતે બધા જ લોકો એવી રીતે એક લાઈનમાં રહે છે કે જેથી બીજાં લોકોને જલદી જવું હોય તો જવાની જગ્યા મળી રહે. બીજા દેશોમાં આ અંગે સુચના લખી રાખી હોય છે, પણ તેને ધ્યાનમાં લઈ એનો અમલ કોઈ કરતું હોતું નથી.

જપાનમાં દરેક જણ યોગ્ય રીતે વર્તે છે, જેથી જીવવું બીજાં બધાંને માટે સરળ  બની રહે. ભરચક સબવેમાં પણ તમે એક ઉંઘ ખેંચી લઈ શકો, કેમ કે ત્યાં કોઈ જાતની વાતચીત લોકો કરતાં હોતાં નથી, બીલકુલ શાંતી હોય છે.

જપાનમાં બધી જ શેરીઓ તદ્દન સ્વચ્છ હોય છે, કેમ કે લોકો કચરો ગમે ત્યાં ફેંકતાં નથી. જપાનમાં તમે જાણે રાજવંશી હો એવું અનુભવશો, કેમકે લોકો તમને નમી નમીને સ્મીત સહીત તમારી સેવા બજાવશે. ત્યાંની સંસ્કૃતી માની ન શકાય તેવું સલામત વાતાવરણ પેદા કરે છે, જે આજના સમયનું એક આશ્ચર્ય છે. ઘણી ઘરાકીવાળાં ખાવાના કાફેમાં પણ તમે તમારો ફોન કે લેપટોપ ભુલી જાઓ તો પણ એ ચોરાઈ નહીં જાય. તમારી સાઈકલ તમે બહાર મુકીને શોપમાં જાઓ, અને પાછા આવો ત્યારે તમને એ ત્યાં જ જોવા મળશે. એને લોક કરેલી ન હોય અને કોઈ પણ એ લઈને ચાલતું થઈ શકે તેમ હોય તો પણ. કેમ કે જપાનમાં એવું કોઈ કરતું જ નથી. ઈગ્નીશનમાં ચાવી રહી ગયેલી હોય તેવાં સ્કુટર પણ તમને શેરીઓમાં જોવા મળશે.

જે સમાજે લોકો બીજાંઓની દરકાર કરે એવી સંસ્કૃતી વીકસાવી હોય ત્યાં જીવન સહુને માટે સુગમ બની જાય છે. આ બોધ બાકીની દુનીયાએ જપાન પાસેથી લેવા જેવો છે.