કોરોનાનો આયુર્વેદીક ઉપાય

ઓગસ્ટ 8, 2021

ચેતવણી: ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર પોતાને અનુકુળ હોય તો જ કરવા. આ માહીતી માત્ર શૈક્ષણીક હેતુસર આપવામાં આવે છે.

3 ટીકડી કપુર, 1 ચમચી અજમો અને 5 નંગ લવીંગ એક સુતરાઉ કપડામાં પોટલી બનાવી ખીસામાં રાખી દેવું. આખો દીવસ એને સુંઘતાં રહેવું. આ ઔષધોની તીવ્ર સુગંધીને કારણે કોરોના વાઈરસનો ચેપ લાગી શકશે નહીં. આનો સફળ પ્રયોગ કરવામાં આવ્યો છે, જેની માહીતી ડૉ. પ્રયાગ ડાભી તરફથી વૉટ્સએપ પર આપવામાં આવી છે.

ડૉ. પ્રયાગ ડાભી,

સંજીવની હેલ્થ કૅયર, ગુજરાત

મોબાઈલ ફોન 9909991653

લકવાના એક માસ પહેલાં

ઓક્ટોબર 23, 2021

(વૉટ્સએપ પર મળેલા વીડીઓ પરથી) બ્લોગ પર તા. 23-10-2021

લકવાના હુમલાના એક માસ પહેલાં

લકવાના હુમલાના એક માસ પહેલાં આપણને આપણું શરીર ચેતવી દે છે. લકવાનું કારણ મગજને મળતો અપુરતો ઓક્સીજન છે. મગજને લોહી પહોંચાડતી રક્તવાહીનીઓ બંધ થઈ જાય કે કોઈક કારણે ફાટી જાય ત્યારે મગજના કોષોને નુકસાન પહોંચે છે. આને કારણે શરીરનાં અંગો યોગ્ય રીતે કામ કરી શકતાં નથી. લકવાના કેસો પૈકી 80% કેસોમાં બચાવ થઈ શકે તેમ હોવા છતાં દર વર્ષે લાખો લોકો લકવાગ્રસ્ત થાય છે. 

લકવાના હુમલાના લગભગ એક માસ પહેલાં આપણું શરીર આપણને અમુક રીતે ખતરાની ચેતવણી આપે છે. એના પ્રત્યે ધ્યાન આપવું કે નહીં તેનો આધાર આપણા પર રહે છે.  દુખાવા સાથેની હેડકી(હીકપ) એ પૈકીની એક છે. એકાએક દુખાવા સાથેની સતત હીકપ સ્ટ્રોક લગભગ આવી ચુક્યો છે એમ બતાવે છે. આ પછી માથાનો દુખાવો ચાલુ થાય તો બેધ્યાનમાં રહેશો નહીં. ગંભીર અસહનીય માથાનો દુખાવો ભવીષ્યની ભયંકર માનસીક આફત છે. માથાનો આ દુખાવો ધમનીના સોજા અને દાહને કારણે હોય છે. જો તમને આવો અસહ્ય દુખાવો થાય તો તરત જ ડૉક્ટરની મદદ લો. મોટી ઉંમરના લોકોમાં અવઢવ બહુ સામાન્ય છે. પણ કેટલીક વાર ગંભીર કારણ હોઈ શકે અને એ કોઈ રોગનું ચીહ્ન હોઈ શકે. લકવાનું કોઈપણ ચીહ્ન માલમ પડે તો તાત્કાલીક ડોક્ટરની સારવાર લેવી બહુ જ જરુરી છે.

લકવાની શક્યતાના લક્ષણ તરીકે ખોરાકપાણી ગળવામાં તકલીફ મોટે ભાગે લકવો થયા પછી હોય છે પણ લકવો થવાનો હોય તે પહેલાં પણ આ તકલીફ હોઈ શકે. જોકે આ ચીહ્ન હંમેશાં હોય જ એવું જોવામાં આવતું નથી.

સ્વાસ્થ્ય નીષ્ણાતોના જણાવ્યા મુજબ બેલેન્સ જાળવવાનો પ્રોબ્લેમ સ્ટ્રોકની શક્યતા જણાવે છે. એમાં સીધું ચાલી શકવાની મુશ્કેલી હોઈ શકે. આંખનો પ્રોબ્લેમ લકવા માટેનું સૌથી મોટું ચીહ્ન ગણાય. ડબલ વીઝન કે પુરેપુરો અંધાપો મગજની સમસ્યાનો નીર્દેશ કરે છે. એ બતાવે છે કે મગજને પુરતો ઓક્સીજન મળતો નથી. સ્ટ્રોકમાં બંને આંખે દેખાતું બંધ થાય એના કરતાં કોઈ એક આંખે દેખાતું બંધ થવું ઘણું સામાન્ય છે. કદાચ સ્મીત સૌથી વધુ સચોટ નીર્દેશક કહી શકાય. ચહેરો બેડોળ થવો કે આડુંઅવળું સ્મીત હોય તો તરત જ ચેતી જવું. આવું કોઈ એક લક્ષણ તરતમાં આવનાર સ્ટ્રોકનું નીર્દેશક હોઈ શકે. એક હાથમાં આવેલી નબળાઈ, ખાસ કરીને જ્યારે તમે બંને હાથ સાથે ઉંચા કરી ન શકો તો એ સ્ટ્રોક હોઈ શકે. બોલવામાં મુશ્કેલી પડતી હોય તો એ મગજને થયેલ નુકસાન દર્શાવે છે. જો આવાં કોઈ ચીહ્નો હોય તો તરત જ ડોક્ટરને મળવું. ખાસ કરીને જો તમે બંને હાથ એકી સાથે ઉંચા ન કરી શકો તો.

હાર્ટ એટેક વીશે ધ્યાનમાં રાખવાની બાબતો

ઓક્ટોબર 9, 2021

હાર્ટ એટેક વીશે ધ્યાનમાં રાખવાની બાબતો

બ્લોગ પર તા. 9-10-2021

જો કોઈને હાર્ટ એટેક થયો હોય તો તેને એ પછી હૃદયની તકલીફ થતી રહેવાની શક્યતા વધી જાય છે. આપણા શરીરમાં કયાં ચીહ્નો એ અંગે અગાઉથી આપણને માહીતગાર કરે છે તે જાણી લેવું જોઈએ. જો નીચે પૈકી કોઈ એક કે વધુ ચીહ્નો માલમ પડે તો તરત જ ડોક્ટરની સારવાર લેવાની તજવીજ કરવી. આ ચીહ્નો આપણે બેઠા હોઈએ કે કંઈક કરી રહ્યા હોઈએ ત્યારે પણ અનુભવવામાં આવી શકે. એમાં નીચેનાનો સમાવેશ થાય છે.

  • છાતીમાં દુખાવો
  • હાથ, ગળું, જડબું કે પેટ જક્કડ થઈ જવું કે એમાં ભાર અનુભવો
  • શ્વાસ લેવામાં તકલીફ થવી
  • તમ્મર આવવાં, આંખે અંધારાં આવવાં, અશક્તી લાગવી
  • પરસેવો વળવો, ત્વચા ફીક્કી પડી જવી
  • હૃદયના ધબકારા વધી જવા કે અનીયમીત થવા
  • ઉબકા આવવા કે ઉલટી થવી
  • પગમાં સોજા ચડવા કે દુખાવો થવો
  • એકાએક થાક અનુભવવો

હાર્ટ એટેક થયા પછી સામાન્ય તંદુરસ્તી મેળવતાં કેટલો સમય લાગે? મોટાભાગના દર્દીઓને એક વીક કે એથી ઓછો સમય હોસ્પીટલમાં રહેવાની જરુર પડે છે. ઘરે આવ્યા પછી આરામની જરુર રહે છે અને ચીંતામુક્ત રહેવું જોઈએ. આપણે રોજેરોજની સામાન્ય પ્રવૃત્તીઓ કરતા હોઈએ કે કામ પર જતા હોઈએ તેના પર ફરીથી આવતાં કેટલાંક અઠવાડીયાં કે 2થી 3 મહીના લાગી શકે. એનો આધાર આપણી શારીરીક સ્થીતી કેવી છે તેના પર રહેશે.

વૃદ્ધત્વ વીશે

ઓક્ટોબર 2, 2021

વૈજ્ઞાનીકોએ ઉંદરો પર પ્રયોગો કરીને તેમની વૃદ્ધત્વ તરફની ગતી ધીમી પાડવામાં સફળતા મેળવી છે. ઉંદરોના શરીરને ફ્રી રેડીકલ્સ સામે રક્ષણ આપતાં આ શક્ય બન્યું છે.  એનાથી માનવજીવનને પણ લંબાવી શકવાની આશા જન્મી છે.

જે ઉંદરોને ફ્રી રેડીકલ્સનું વીઘટન કરી દે એ પ્રકારનું એન્ઝાઈમ આપવામાં આવ્યું હતું તેમના જીવનમાં 20% જેટલો વધારો જોવા મળ્યો હતો. એટલું જ નહીં બીજા ઉંદરોની સરખામણીમાં એ ઉંદરોના હૃદયનું સ્વાસ્થ્ય પણ સારું હતું. આ પ્રયોગ પરથી લાગે છે કે જો ફ્રી રેડીકલ્સ સામે રક્ષણ આપવામાં આવે તો લોકો વધુ લાંબું જીવે અને વૃદ્ધાવસ્થાને કારણે લાગુ પડતી કેટલીક બીમારીઓથી પણ બચી શકે.

આ પહેલાં લોકો ઉંમર વધવાને કારણે લાગુ પડતી બીમારીઓ પર જ ધ્યાન કેન્દ્રીત કરતા હતા, કેમ કે એમ માનવામાં આવતું હતું કે વધતી ઉમ્મરની અસરને અટકાવી શકાય તેમ નથી. પરંતુ પ્રયોગો ઉપરથી હવે લાગે છે કે ફ્રી રેડીકલ્સને અટકાવવાના ઉપાયો છે અને તે કરવાથી વધતી ઉંમરની અસરને ધીમી પાડી શકાય છે અને એ રીતે વધુ તંદુરસ્ત લાંબું જીવન જીવી શકાય છે.

વૈજ્ઞાનીકોએ કેટાલીઝ નામે ઓળખાતા એક એન્ઝાઈમનો અભ્યાસ કર્યો, જે આપણા શરીરમાં નકામા પેદા થતા હાઈડ્રોજન પેરોક્સાઈડનું પાણી અને ઓક્સીજનમાં વીઘટન કરે છે. આ હાઈડ્રોજન પેરોક્સાઈડ પછીથી ફ્રી રેડીકલમાં પરીવર્તીત થાય છે. ફ્રી રેડીકલ્સ શરીરમાં બીનજરુરી પ્રતીક્રીયા જન્માવે છે જે શરીરના કોષોને નુકસાન પહોંચાડં છે. કેટલાક વૈજ્ઞાનીકો માને છે કે ફ્રી રેડીકલ્સ હૃદયરોગ, કેન્સર અને બીજા ગંભીર રોગોનું મુળ છે. પરંતુ કેટાલીઝ એન્ઝાઈમથી હાઈડ્રોજન પેરીક્સાઈડનું વીઘટન થઈ જતું હોવાથી આપણે આ રોગોથી બચી શકીએ.

સફેદ ડાઘાવાળાં કેળાં

સપ્ટેમ્બર 19, 2021

(વોટસ્એપ પરથી મળેલા એક હીન્દી વીડીઓ પરથી એમાં જણાવ્યાનુસાર સહુની જાણ માટે.)

પાકાં કેળાં પર કાળા ડાઘ કે કાળી ટીપકી પડેલી હોય તે બહુ જ સામાન્ય છે, પરંતું કોઈક વાર એના પર સફેદ ડાઘા જોવામાં આવે તો બહુ જ સચેત થઈ જવું. જો કે કેળાં પર સફેદ ડાઘ બહુ અસમાન્ય છે, જવેલ્લે જ જોવા મળે છે, પણ એનાથી બહુ ભારે નુકસાન થઈ શકે. કેળા જેવું બહુ જ પૌષ્ટીક સ્વાદીષ્ટ ફળ જો સફેદ ડાઘાવાળું હોય તો એ બહુ ભયંકર થઈ પડે છે.

આ સફેદ ડાઘ શું છે? એ સામાન્ય ફુગ ચડેલી હોય તેવો ડાઘ નથી, કે જેથી એટલો ભાગ કાઢી નાખી બાકીનું કેળું સલામત રીતે ખાઈ શકાય. એવી ભુલ કદી કરશો નહીં. સફેદ ડાઘવાળું કેળું આખું જ તદ્દન નકામું છે. એના પર સફેદ ડાઘ સાથે સાથે સરસ રીતે પાકી ગયેલ કેળાના કાળા ડાઘ ટીપકીઓ પણ હોઈ શકે, પણ સફેદ ડાઘને લીધે આખું કેળું નકામું જ નહીં ભારે નુકસાનકારક બની જાય છે. આથી એને જંતુમુક્ત કરવાની તાત્કલીક જરુર હોય છે.

આ સફેદ ડાઘ એક પ્રકારના ઝેરી કરોડીયાનાં ઈંડાંની વસાહત હોય છે. આ કરોડીયા બ્રાઝીલમાં થાય છે. ઈંડાં સેવાઈ ગયા પછી એમાંથી એ કરોડીયાનાં પુશ્કળ બચ્ચાં નીકળે છે, જે ઝેરી હોય છે. કહે છે કે એમાં નાગ સાપના જેવું જ કાતીલ ઝેર  હોય છે. આ સફેદ ડાઘમાં માત્ર એકબે જ બચ્ચાં હોય છે એમ નહીં, સેંકડોની સંખ્યામાં હોય છે.

જો બચ્ચાં તરતનાં જ પેદા થયેલાં, બહુ નાનાં હોય તો એમાં ઝેરનું પ્રમાણ ઓછું હશે, પણ એની સંખ્યા ઘણી વધુ હોય તો એ જીવનું જોખમ બની શકે.

જો કોઈ કેળા પર સફેદ ડાઘ જોવામાં આવે તો એને કદી ખરીદવું નહીં. સફેદ ડાઘવાળો ભાગ કાઢી નાખી ખાઈ શકાશે એમ માનશો નહીં. ભુલમાં ઘરે લાવ્યા હો તો એને જંતુનાશક દવા વડે સારી રીતે જંતુમુક્ત કરીને જ યોગ્ય રીતે નીકાલ કરવો, જેથી આ ઝેરી કરોડીયા નાશ પામે અને કશે ફેલાઈ ન શકે.

હરડે

સપ્ટેમ્બર 12, 2021

ચેતવણી: ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર પોતાને અનુકુળ હોય તો જ કરવા. આ માહીતી માત્ર શૈક્ષણીક હેતુસર આપવામાં આવે છે.

હરડે શરીરને અંદરથી સાફ કરે છે અને સપ્ત ધાતુને વધારે છે. હરડેના નીત્ય સેવનથી જુની કબજીયાત, અજીર્ણ, આફરો, શૂળ, પ્લીહા(બરોળ-spleen)વૃદ્ધી, જળોદર વગેરે મટે છે. વળી હરડે ભુખ ઉઘાડનારી છે. હરડેના સ્પર્શથી જીભ સ્વચ્છ થાય છે તેથી જ હરડે ખાધા પછી પાણી મીઠું અને સ્વાદીષ્ઠ લાગે છે.

હરડેનું ચુર્ણ લેવું જોઈએ. એનાથી દાંત, દાંતનાં પેઢાં, જીભ, તાળવું, અન્નનળી, ગળું અને સ્વરપેટી બધાં શુદ્ધ થાય છે અને બાઝેલું કફનું પડ દુર થઈ જાય છે. આથી એના સેવનથી દમ (શ્વાસ), ખાંસી, સ્વરભંગ (અવાજ બેસી જવો), કાકડાનો સોજો, સળેખમ વગેરે મટે છે. હરડે હોજરીના પાચક રસોને સક્રીય બનાવી ખોરાકને પચાવે છે. થોડીક હરડે લીવરમાં જઈ વીકૃત પીત્તને દુર કરે છે, આથી પીત્તદોષવાળા નીત્ય હરડેનું સેવન કરે તો એનો પીત્તદોષ (હાઈપરએસીડીટી) મટી જાય છે.

હરડે આંતરડાના ચીકણા પદાર્થને પચાવી નાના આંતરડાના અપક્વ તમામ કચરાને મોટા આંતરડામાં લાવી પાણીને શોષી મળદ્વાર વડે બહાર ફેંકી દે છે. હરડે અજાયબ ગુણ ધરાવે છે. વાયુને કારણે ફુલેલા આંતરડામાંથી પવનને બહાર કાઢી નાખે છે. કીડની અને પ્રોસ્ટેટ ગ્લેન્ડમાંથી કફ અને પાણી શોષી પેશાબ વાટે બહાર કાઢે છે. આથી પુરુષાતન ગ્રંથીની વૃદ્ધી (પ્રોસ્ટેટ એન્લાર્જમેન્ટ) સામે રક્ષણ મળે છે.

હરડે વાત, પીત્ત અને કફ ત્રણે દોષોને શાંત કરે છે. હરડેને વયસ્થાપન કરનાર કહે છે, એટલે કે એનાથી ઉંમર વધતી જણાતી નથી.

હરડેના નીત્ય સેવનથી મેદ ઘટે છે. સોજા દુર થાય છે અને શરીર સપ્રમાણ બને છે.

હરડેથી ઉલટી, ઓકારી, અતી તૃષા, હેડકી, હરસ, ચામડીના સોજા, કમળો, પાંડુરોગ વગેરે મટે છે. વળી એનાથી સાંધાના દુખાવા (સંધીવા), પાર્કીન્સન, હાથપગની કળતર, કમરની કળતર વગેરે મટે છે. વળી એનાથી ચકામા, ચાંઠાં, ખીલ, ગડગુમડ જેવા ચામડીના રોગો પણ મટે છે.

સાંજે એક ચમચી હરડેનું ચુર્ણ થોડા પાણીમાં પલાળી રાખી, સવારે એને કપડા વડે ગાળીને આંખમાં છાંટવાથી આંખોનું તેજ વધે છે. હરડે ચાવીને ખાવાથી દાંતનો દુખાવો દુર થાય છે, દાંતમાંથી નીકળતું પરુ કે લોહી પણ બંધ થાય છે.

હરડે ક્યારે ન લેવાય: તૃષારોગ, હૃદય કે કંઠમાં શોષ, ગલગ્રહ (ગળું ઝલાઈ જવાનો રોગ), નવો તાવ, નીર્બળતા, ઈન્દ્રીઓની નબળાઈ, ગર્ભાવસ્થા વગેરેમાં હરડે લેવી નહીં.

હરડેનું એક ચમચી ચુર્ણ હુંફાળા પાણી સાથે રાત્રે સુતી વખતે લેવું જોઈએ. અથવા સવારે નરણા કોઠે લઈ શકાય. જો કોઈ રોગ કાયમી થઈ ગયેલો હોય તો બે સમય પણ લઈ શકાય. હરડેથી કશું નુકસાન થતું નથી કે એની કોઈ ટેવ પડતી નથી.

એસ્પીરીનના કેટલાક ઉપયોગો

સપ્ટેમ્બર 5, 2021

સામાન્ય રીતે આપણે એસ્પીરીનની ટીકડી માથાના દુખાવામાં વાપરીએ છીએ. આ સીવાય પણ એસ્પીરીનના બીજા ઉપયોગો છે. એસ્પીરીનની ટીકડી સાદી અને પડ ચડાવેલી એમ બે પ્રકારની હોય છે. આ બધા ઉપયોગોમાં એસ્પીરીનની ટીકડી સાદી એટલે જેના પર કોઈ પણ જાતનું પડ ચડાવ્યું ન હોય તે  (uncoated) લેવાની છે.

મોં પરના ખીલ અને ડાઘા દુર કરવા માટે બે કે ત્રણ ટીકડી ક્રશ કરી લીંબુના રસમાં બરાબર મીક્સ કરીને પેસ્ટ બનાવો. એને મોં પર લગાવી 15 મીનીટ સુધી રાખી હુંફાળા પાણી વડે સાફ કરી દો. એનાથી ડાઘા દુર થઈ જશે. વાળની તંદુરસ્તી માટે વાળ ધોયા પછી એ આકર્ષક અને શાઈની લાગતા ન હોય તો 10 એસ્પીરીન એક કપ હુંફાળા પાણીમાં ઓગાળી સ્વચ્છ કરેલા વાળમાં આ મીશ્રણ લગાવી પંદર મીનીટ સુધી રહેવા દઈને ધોઈ નાખો. આ પછી વાળ કોરા કરશો એટલે એ જાણે નવા થઈ ગયેલા અને ચમકીલા લાગશે.

કપડાં પર પડેલા પરસેવાના ડાઘા દુર કરવા એક કપમાં હુફાળા પાણીમાં કેટલીક એસ્પીરીન ઓગાળો. એને કપડા પરના ડાઘા પર લગાવી રાતભર રહેવા દો. આ પછી કપડું ધોઈને સુકવશો તો ડાઘા દુર થઈ ગયેલા હશે.

તાજાં ફુલોને વાઝમાં મુકી ઘરની શોભામાં અભીવૃદ્ધી કરવાનું આપણને ગમે છે. પણ સામાન્ય રીતે કાપેલાં ફુલ વધુ લાંબો સમય ટકતાં નથી, એકાદ વીકમાં એ કરમાઈ જાય છે. એની આહ્લાદક સુગંધી વધુ સમય ટકાવી રાખવામાં એસ્પીરીન આપણને મદદરુપ થઈ શકે. એ માટે પાણીમાં એસ્પીરીન ઓગાળીને પછી એમાં ફુલ મુકવાં. બધા પ્રકારનાં ફુલ આ રીતે લાંબો સમય તાજાં રાખી શકાય, પણ ખાસ કરીને ગુલાબ માટે એ વધુ કારગત નીવડે છે.

બીજો એક સરસ ઉપયોગ એસ્પીરીનનો જાણવા જેવો છે. એ છે જંતુના ડંખ માટે. કેટલાંક જંતુઓના ડંખ વેદનાકારક હોય છે અને ખંજવાળ પેદા કરે છે. આમાં પણ એસ્પીરીન કામ આવી શકે છે. એકાદ ચમચી પાણીમાં એસ્પીરીનની ટીકડી ભીંજવીને જ્યાં જંતુનો ડંખ હોય ત્યાં એને ચીપકાવી દો. દસ મીનીટ સુધી ડંખ પર એ ટીકડી રહેવા દો. દરદ, ખંજવાળ, સોજો જે કંઈ હશે તે ગાયબ થઈ જશે અને આરામ થઈ જશે.

માથાના ખોડાની સમસ્યા કેટલીક વાર શરમજનક સ્થીતીમાં આપણને મુકી શકે. એ માટેનાં મોંઘાંદાટ શેમ્પુ ખરીદવાને બદલે એસ્પીરીન વાપરી શકાય. બે એસ્પીરીન ક્રશ કરીને ઓર્ડીનરી શેમ્પુમાં મીક્સ કરી દો. એના વડે વાળ ધોવાથી એસ્પીરીન ખોડાના બેક્ટેરીયા દુર કરશે.

નાહવાના સાબુના ડાઘાના થર બાથ ટબ પર કે શાવરમાં થઈ જતા હોય છે અને એ સહેલાઈથી કાઢી શકાતા હોતા નથી. એ માટેનો સરળ ઉપાય છે સામાન્ય ક્લીનરમાં એસ્પીરીન મીક્સ કરવાનો. બાથટબને સાફ કરવા જે ક્લીનર વાપરતા હો તેમાં પહેલાં થોડી એસ્પીરીન ક્રશ કરીને ઉમેરી દો. બાથટબના ડાઘા પર એને અર્ધા કલાક સુધી રહેવા દઈ સાફ કરવાથી ડાઘા સરળતાથી દુર થઈ જશે.

કેટલીક વાર પગના તળીયામાં કપાસી થાય છે જે વેદનાકારક હોય છે. એને એસ્પીરીની મદદથી દુર કરી શકાય. સાત-આઠ એસપીરીનનો પાઉડર કરીને એમાં લીંબુનો રસ નાખો. એને જાડી પેસ્ટ બને ત્યાં સુધી બરાબર મીક્સ કરો.  એને પગના તળીયા પર લગાવી ગરમ કપડાથી કવર કરી દો. એને લગભગ દસેક મીનીટ સુધી રહેવા દો. આ પછી પગ ધોઈને એના પર નાહવાનો ખરબચડો પોચો પથ્થર ઘસો. કપાસી જતી રહેશે અને તમારા પગ સુંવાળા, નરમ બની જશે.

ચહેરાને આકર્ષક બનાવવામાં વપરાતાં લોશન વગેરેમાં જે ઘટકો હોય છે તેમાંનાં ઘણાં એસ્પીરીનમાં પણ હોય છે. એવાં મોંઘાં લોશન પાછળ પૈસા વેડફવા કરતાં પોતાનો ફેસ માસ્ક જાતે બનાવી શકાય. સાતેક એસ્પીરીન ક્રશ કરીને ત્રણ ચમચા દહીંમાં મીક્સ કરો. એમાં એક ચમચો મધ ઉમેરો. આ મીશ્રણને ચહેરા પર લગાવી 15 મીનીટ સુધી રહેવા દો. આ પછી મોં ધોવાથી ચહેરો આકર્ષક અને સુંદર સુંવાળો થઈ જશે. ચહેરા પર ડેડ સ્કીન જણાતી હોય તો એને પણ હુંફાળા પાણીમાં બેત્રણ એસ્પીરીન ઓગાળી ચહેરો ધોવાથી દુર કરી શકાય. એનાથી ચહેરા પર જણાતાં છીદ્રો પણ દુર થશે અને ચામડી થોડી તૈલી પણ થશે.

એસ્પીરીનનો એક આશ્ચર્યજનક ઉપયોગ ખાસ જાણવા જેવો છે. કારની બેટરી એકાએક ડેડ થઈ જાય અને કોઈ રીતે કાર ચાલુ કરવાની મદદ મળી શકે તેમ ન હોય ત્યારે જો એસ્પીરીન સાથે રાખતા હો તો તમે કાર ચાલુ કરી શકો. એ માટે કારની બેટરીમાં બે એસ્પીરીન નાખો. એસ્પીરીનમાં સેલીસેલીક એસીડ હોય છે તે બેટરીના સલ્ફ્યુરીક એસીડ સાથે જોડાઈને ચાર્જ માટે છેલ્લો ચાન્સ આપશે, જે નજીકના સર્વીસ સ્ટેશન સુધી તમને પહોંચાડી શકે.  

500 આરોગ્ય ટુચકા ભાગ 2

ઓગસ્ટ 30, 2021

મારા બ્લોગ પર મેં બીજા 500 આરોગ્ય ટુચકા પુરા કર્યા છે. એને આ સાથે બુકના રુપમાં પ્રસીધ્ધ કરતાં આનંદ થાય છે. આશા છે બધા ટુચકા એક સાથે હોવાથી પસંદ કરીને જોવાનું વધુ અનુકુળ રહેશે.

અપચો અને ખાટા ઓડકાર

ઓગસ્ટ 30, 2021

ચેતવણી: ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર પોતાને અનુકુળ હોય તો જ કરવા. આ માહીતી માત્ર શૈક્ષણીક હેતુસર આપવામાં આવે છે.

1. જીરુના એક ચમચી પાવડર સાથે સહેજ હીંગ જરુરી પાણીમાં મીક્સ કરીને લેવાથી પેટમાં થયેલ વાયુનો ભરાવો દુર થાય છે. અને એનાથી ગભરામણ જેવું લાગતું હોય તેમાં આરામ થાય છે.

૨. મેથી અને સુવાને અલગ અલગ શેકી ચુર્ણ બનાવવું. એક ચમચી જેટલું આ ચુર્ણ પાણી સાથે લેવાથી વાયુ, મોળ, આફરો, ઉબકા અને ખાટા ઓડકરમાં બહુ ફાયદો થાય છે.

૩. દરરોજ રાત્રે સુતાં પહેલાં ગળ્યા દુધમાં બે ચમચી ઈસબગુલ નાખી લવણભાસ્કરની ફાકી કરવાથી વાયુની તકલીફ દુર થાય છે. જો કે ઈસબગુલ લાંબો સમય લેવાથી સ્નાયુઓ જકડાઈ જાય છે. આથી પોતાની પ્રકૃતીને અનુકુળ હોય તે મુજબ ઉપયોગ કરવો.

૪. ૨૫ ગ્રામ મેથી અને ૨૫ ગ્રામ સુવાને અધકચરા શેકી ખાંડી દેવા. આ ચુર્ણને પછી એક એરટાઈટ ડબામાં ભરી રાખવું. દીવસમાં ત્રણ વાર ૫-૫ ગ્રામ જેટલું આ ચુર્ણ ફાકી જવાથી વાયુ, ગોળો, આફરો, ખાટા ઓડકાર, પાતળા ઝાડા વગેરે મટી જાય છે.

૫. ગોળ અને સુંઠને ભેળવી દીવસમાં ત્રણ વાર લેવાથી વાયુનો નાશ થાય છે.

૬. ખુબજ વાયુ થયો હોય તો, દીવસમાં ત્રણવાર ૫ ગ્રામ અજમો ગરમ પાણીમાં ચાવી જવો. જેના કારણે પેટના દુખાવામાં અને ડાબી બાજુના હૃદયના દુખાવામાં રાહત મળશે. અજમા સાથે થોડું સીંધવ મીઠુ અને લીંબુના રસનાં બે-ત્રણ ટીંપાં નાખવાથી એ વધુ અસરકારક થાય છે.

૭. શેકેલા કાચકા અને મરી સરખા ભાગે લઈ પાવડર બનાવી ફાકી જવાથી ગેસની તકલીફમાં ચોક્કસ રાહત મળે છે.

૮. વાયુના નીકાલ માટે સુંઠ, સંચળ અને અજમો ભેગાં કરી, સોડા બાયકાર્બન સાથે પાણીમાં ભેળવી પીવું.

૯. ગેસના દર્દીએ રોજ તુલસીના પાનના રસમાં લીંબુનો રસ ભેળવી પીવો જોઈએ.

૧૦. તુલસી મળવી મુશ્કેલ હોય તો, ગરમ પાણીમાં લીંબુનો રસ ભેળવી પી શકાય.

મોટાભાગના રોગનું મુળ ગેસ છે.

ઓગસ્ટ 21, 2021

સ્વાસ્થ્ય માટે પાંચ હસ્તમુદ્રા

ઓગસ્ટ 15, 2021

ચેતવણી: ઉપચારો યોગ્ય આરોગ્ય ચીકીત્સકની સલાહ અને દેખરેખ હેઠળ પોતાની જવાબદારી પર પોતાને અનુકુળ હોય તો જ કરવા. આ માહીતી માત્ર શૈક્ષણીક હેતુસર આપવામાં આવે છે.

વોટ્સએપમાં મને ફોરવર્ડ કરેલ એક વીડીઓ મળ્યો છે, જેમાં સ્વાસ્થ્ય માટે પાંચ હસ્તમુદ્રાની માહીતી આપવામાં આવી છે. એની ટુંકી માહીતી બધાંની જાણ માટે આપું છું. સોરી, વોટ્સએપ પર ફોરવર્ડ થઈને આવેલી આ માહીતી કોના તરફથી આપવામાં આવી છે તે જણાવવામાં આવ્યું ન હતું.

  1. આખા શરીરના સ્વાસ્થ્યને જાળવવા માટે આપણા હાથમાં વીવીધ ચેનલ છે. શરીરના જુદા જુદા સાંધાઓમાં જેમ કે ઘુંટણનો દુખાવો, કમરનો દુખાવો, હાથનાં આંગળાંનો દુખાવો, જ્યાં જ્યાં શરીરમાં હાડકાના સાંધા હોય છે ત્યાં થતા દુખાવાને દુર કરવા માટે હાથનાં બે આંગળાં હથેળીમાં જ્યાંથી નીકળે છે તેમની વચ્ચે જે જગ્યા હોય છે તેમાં બંને હાથ ચીત્રમાં બતાવ્યા મુજબ પરોવો.

હવે તમારી ક્ષમતા મુજબ બળપુર્વક અંદર-બહાર કરો. થાક ન લાગે એ મુજબ 25-30 વખત આમ કરતા રહો. આથી સાંધાના દુખાવામાં લાભ થશે.

2. હવે શરીરના આંતરીક અવયવોની તંદુરસ્તી માટે ચીત્રમાં બતાવ્યા મુજબ આંગળાંની નીચે હથેળીનો સહેજ ઉપસેલો ભાગ છે તેને બંને હાથોને એકબીજા સાથે બળપુર્વક અથડાવવાના છે, પણ તાળી નથી પાડવાની. માત્ર હથેળીના ઉપસેલા ભાગને જ એકબીજા સાથે અથડાવવાના છે. જાણે હથોડા અથડાવતા હોઈએ તેમ.

3. ત્રીજી મુદ્રા પાચનક્રીયા સાથે સંબંધીત જઠર, આંતરડાં, લીવર એ બધા અવયવોના સ્વાસ્થ્ય માટે છે. એ માટે હથેળી જ્યાં લગભગ પુરી થાય છે ત્યાં જે ઉપસેલા ભાગ છે તેને અથડાવવાના છે. જુઓ ચીત્ર:

બળપુર્વક ઠોકવાથી હાથ મજબુત થશે. જેના હાથ જેટલા મજબુત હશે તેટલું જ સ્વાસ્થ્ય પણ સારું રહેશે.

4. ચોથી વીધીમાં તાળી વગાડવાની છે. એમાં આંગળાં પહોળાં રાખી પુરેપુરી હથેળીઓ એકબીજા સાથે સહી શકાય તેટલા બળપુર્વક અથડાવવાની છે. એનાથી શરીરમાં જે અશુદ્ધીઓ હોય છે તે બધી દુર થાય છે. વળી એનાથી હાથમાં ગરમી પણ આવી જશે.

5. પાંચમી મુદ્રામાં બંને હાથની બધી આંગળીઓ અને અંગુઠાને એકબીજામાં લોક કરીને બંને તરફ હથેળીના ઉપરના ભાગોમાં અને આંગળીઓની વચ્ચેના ખાંચામાં બની શકે તેટલું દબાણ આપવાનું છે.

આ ક્રીયાથી કોઈપણ પ્રકારની બીમારી હોય, ગમે તેટલા લાંબા સમયથી તકલીફ હોય તેમાં પણ ફાયદો થાય છે.